नेपालको विभागीय टोली नेपाल पुलिस क्लब एक खेल अगावै काभा महिला क्लब च्याम्पियनसीपको फाइनलमा प्रवेश गरेको छ ।
गएराति भएको प्रतिस्पर्धात्मक खेलमा माल्दिभ्सको क्लब वाम्कोलाई पाँच सेटमा पराजित गर्दै पुलिस उपाधि नजिक पुगेको हो । पहिलो सेट २१-२५ ले गुमाएको पुलिसले दोस्रो सेटमा पुलिसले पुनरागमन गर्दै २५-२० को नतिजा हात पार्यो । तेस्रो सेटमा २१-२५ ले हारेपछि पुलिसले चौथो सेटमा पुनः कमब्याक गर्यो र २५-१८ को जित निकाल्दै खेललाई पाँचौं सेटसम्म धकेल्यो । पाँचौं तथा निणार्यक सेटमा घरेलु टोलीलाई १५-१३ ले पछि पार्दै पुलिस एक खेल अगावै फाइनल प्रवेश गर्न सफल भयो । जारी प्रतियोगितामा अपराजित पुलिसका लागि यो लगातार चौथो जित थियो ।
यसअघि पुलिसले उज्वेकिस्तानको हुमो भलिबल क्लब, श्रीलंकाको श्रीलंका एयर फोर्स र ताजकिस्तानको डाइमेड भलिबल क्लबलाई सोझो सेटमा पराजित गरेको थियो । ११ अंक जोडेको पुलिस शीर्ष स्थानमा छ ।
लिग चरणको अन्तिम खेलमा पुलिसले आज साँझ पौने ६ बजे माल्दिभ्स पुलिस क्लबको सामना गर्नेछ ।
पुलिसको भलिबल टोली
कप्तान- मला पुन, उषा भण्डारी, पुनम चन्द, कामना विष्ट, शान्तिकला तामाङ, मनिषा चौधरी, सरस्वती चौधरी, निरुता ठगुन्ना, सुमित्रा रेग्मी, कोपिला राना, सरस्वती कटेल, लक्ष्मी चन्द
मुख्य प्रशिक्षक – रुपेश विष्ट
सहायक प्रशिक्षक – सुशिला थापा
उर्गेन स्पोर्ट्स डट कमका लागि
प्रकाशक/प्रधान सम्पादक : अमृत तामाङ
सम्पादक : उत्तम भट्ट
सह-सम्पादक : दिलिप थापा
बजार प्रतिनिधि :
प्रतिक्रिया दिनुहोस