गणेशकुण्ड मैत्री युवा समाज चिसापानीले गुरुङ हरुको महान चाड तमु ल्होसारको पावन अवसरमा स्वास्थ्यको लागि खेलकुद राष्ट्रका लागि खेलकुद ,सामाजिक सद्भावका लागि खेलकुद भन्ने मुल नारालाई आत्मासाथ गर्दै नीलकण्ठ नगरपालिका वडा नम्बर २ चिसापानीमा खुल्ला सहिद राजु दाहाल (सागर) तेस्रो स्मृति कप खुल्ला नकआउट ७ साईड महिला तथा पुरुष फुटबल प्रतियोगिताको आयोजना गर्ने भएको छ ।
पुस १० गते देखि १६ गते सम्म हुने यस प्रतियोगिताको पुरस्कार पुरुष तर्फ प्रथमलाई ६० हजार र उप विजेतलाई ३० हजार र महिला तर्फ प्रथमलाई १५ हजार र उपविजेतालाई ७ हजार प्रदान गरिने आयोजकले जनाएको छ ।
गत वर्ष दशैंमा भएको सहिद राजु दाहाल (सागर) दोस्रो स्मृति कप प्रतियोगिता चमेरे गुफा संरक्षण युवा समाजले जितेको थियो भने दोस्रो मितेरी युवा क्लव जुरेथुम भएको थियो ।
तात्कालिन माओवादीले संचालन गरेको जनयुद्धका क्रममा ०५८ असार २२ गते राज्य पक्षद्वारा मारिएका जनयुद्धका सहिद राजु दाहाल (सागर) को स्मृतिमा नीलकण्ठ नगरपालिका वडा नम्बर २ चिसापानीमा विगत ३ वर्ष देखि फुटबल प्रतियोगिता हुँदै आएको छ ।
टीम दर्ता शुल्क
महिला – २०००
पुरुष – ६५००
टीम दर्ता पौष ८ गते भित्र गरिसक्नु पर्नेछ।
खेलको लाइभ उर्गेन स्पोर्ट्स बाट हेर्न सकिन्छ ।
उर्गेन स्पोर्ट्स डट कमका लागि
प्रकाशक/प्रधान सम्पादक : अमृत तामाङ
सम्पादक : उत्तम भट्ट
सह-सम्पादक : दिलिप थापा
बजार प्रतिनिधि :
प्रतिक्रिया दिनुहोस